"Ышаныч" үзәгендә гаилә, мәхәббәт һәм тугрылык көненә багышланган чара узды

Гаилә, мәхәббәт һәм тугрылык көне уңаеннан Алабуга "Ышаныч" халыкка социаль хезмәт күрсәтү үзәге белгечләре балалар һәм ата-аналар өчен чара үткәрде.

Чараның максаты булып балалар һәм өлкәннәрне бәйрәмнең традицияләре һәм гореф-гадәтләре белән таныштыру торды.

Чара башында открыткалар ясау буенча мастер-класс оештырылды. Аннары балалар әңгәмәдә катнашты. Ахырда квест-уены узды.

Оештыручылар һәм катнашучылар уңай эмоцияләрдә калды, татлы призлар алды.