"Ышаныч" үзәгендә бәйрәм чаралары узды
Яр Чаллы "Ышаныч" комплекслы үзәгенең гаилә һәм балаларга социаль ярдәм бүлекчәсе белгечләре Әниләр көненә багышланган чараларны күркәм итеп оештырды.
Үзәктә хезмәт күрсәтүдә торучы балигъ булмаган балалар "Әни бүләге" мастер-классларында сюрпризлар әзерләде. 5-нче номерлы балалар техник иҗат үзәгендә, 16-нчы номерлы "Огниво" балалар иҗат үзәгендә төрле эшләнмәләр, рәсемнәр ясадылар. Архитектура һәм дизайн мәктәбендә үз куллары белән аппликация техникасында матур котлау открыткалары иҗат иттеләр.
Балалалар һәм аларның әти-әниләре шәһәр сәнгать осталары һәм иҗат коллективларының "КамАЗ" мәдәният-ял итү комплексында, "Энергетик" мәдәният сараенда, "Шатлык" яшьләр үзәгендә оештырылган концерт программаларын тамаша кылды.
25 ноябрь көнне яшь тамашачылар һәм аларның әниләре татар драма театрында "Цветик-семицветик" спектаклен карадылар. Чараларда барлыгы 150 дән артык кеше катнашты.