ЯҢАЛЫКЛАР
«Үзгәрешләр җиле» клубы эше кысаларында Түбән Каманың «Веста» гаиләгә һәм балаларга социаль ярдәм үзәгендә хезмәт алучы һәм закон белән каршылыклары булган яшүсмерләр өчен халык рәссамы Әхсән Фәтхетдинов музеена экскурсия оештырылды.
Яшел Үзән шәһәренең халыкны эш белән тәэмин итү үзәгенең эш төркеме үз эшләрен оештыруга бер тапкыр бирелә торган финанс ярдәме алган гражданнарны тикшерде. Күчмә чаралар белән барлыгы алты эшмәкәр колачланды.
«Демография» милли проектының «Өлкән буын» федераль проектын тормышка ашыру кысаларында Югары Ослан муниципаль районында «Өмет утравы» халыкка социаль хезмәт күрсәтү комплекслы үзәге тарафыннан авыл җирлегендә яшәүче 65 яшьтән өлкәнрәк кешеләрне районның медицина оешмаларына илтеп җиткерәләр.
Туган телләр һәм халыклар бердәмлеге елы кысаларында 13 июль көнне Түбән Каманың «Веста» гаиләгә һәм балаларга социаль ярдәм үзәге белгече Эльза Сәмигуллина социаль хезмәт алучы балалар өчен шәһәр музеена экскурсия оештырды. Чара балаларда гражданлык-патриотик хисләр тәрбияләүгә, күзаллауларны киңәйтү һәм танып-белү кызыксынуларын үстерүгә юнәлдерелгән.
Җәйге мәйданчыклар оештыру кысаларында Буаның яшьләр паркында «Гармония» халыкка социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлекчәсе социаль педагоглары сәламәт яшәү рәвеше темасына чара үткәрделәр.
Бүген Яр Чаллы шәһәренең «Изгелек» инвалидларны тернәкләндерү үзәгендә социаль хезмәт алучылар катнашында интеллектуаль уен узды. Чараны «Ника» яшьләр клубы җитәкчесе Марат Закиров һәм активистлар, «Инклюзив мохит» яшьләр берләшмәсе рәисе Азат Хаҗиев ярдәме белән үткәрделәр.
Россиядә Фән һәм технологияләр елына багышланган чараларны тормышка ашыру кысаларында бүген Бөгелмә районы «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Мобиль телефон: файда яки зыян» дигән танып-белү дәресе үткәрделәр.
2022 елда узачак Махсус Олимпиаданың Бөтендөнья кышкы уеннарын үткәрүгә әзерлек кысаларында 14 июль көнне Түбән Каманың «Веста» гаиләгә һәм балаларга социаль ярдәм үзәгендә «Чикләрсез спорт» дип исемләнгән төркемле дәрес үткәрелде. Чарада сәламәтлек мөмкинлекләре чикләнгән 15 балигъ булмаган бала катнашты.
12 нче социаль участокта Түбән Каманың «Веста» гаиләгә һәм балаларга социаль ярдәм үзәге белгече Диләрә Борисова «Ышаныч телефоны – синең дустың» дигән темага төркемле дәрес үткәрде. Дәрестә социаль хезмәт алучы сигез балигъ булмаган бала катнашты.
26-27 августта Яр Чаллы шәһәрендә HSE DAYS Халыкара проекты кысаларында сәнәгать предприятиеләренең югары җитәкчелеге өчен ике көнлек халыкара гамәли конференция үткәрү планлаштырыла.