Бөгелмәнең "Возрождение" мөмкинлекләре чикле балалар һәм яшьүсмерләр өчен тернәкләндерү үзәгендә Бөгелмә муниципаль районы гадәттән тыш хәлләр министрлыгы әйдәп баручы белгече Сергей Шаламов булып китте.
Кунак тәрбияләнүчеләрнең әти-әниләрен һәм хезмәткәрләрне гадәттән тыш хәлләрдә үзеңне тоту кагыйдәләре белән таныштырды, төрле мультфильмнар күрсәтте. Очрашуның азагында хезмәткәрләр һәм үзәк кунаклары эвакуация буенча мәгълүмат алды.