Шушы көннәрдә хәрби-диңгез флотында хезмәт итүчеләр Минзәләнең “Тургай” балалар һәм яшүсмерләр өчен социаль приютында булып кайттылар.
Кунаклар Андреевка флагы белән бизәлгән машинада килеп төштеләр. Балаларга күчтәнәчләр тапшырдылар, сау-сәламәт, тәрбияле, Ватанны саклаучылар булып үсүләрен теләделәр.
Приютта тәрбияләнүче балалар, учреждение хезмәткәрләре, үз чиратында, кунакларны хәрби-диңгез флоты көне белән тәбрикләде.