Буада игелекле эшләр эстафетасы дәвам итә

“Язгы игелек атнасы - изге эшләр  эстафетасы" акциясе кысаларында Буаның “Гармония” халыкка социаль  хезмәт курсәтү үзәге гаиләгә hәм балаларга социаль ярдәм бүлеге белгечләре “Подросток” клубы әгъзалары өчен акция оештырды.

 Акцияның  максаты - гаилә башлыгы, Бөек Ватан сугышы ветераны  булган Нуриевлар гаиләсенә шефлык ярдәме  курсәтү. Акция барышында ветеран гаиләсенә ишек алдын  hәм йорт тирә-янын  төрле чүп-чардан арындыруда  ярдәм курсәтелде.

Очрашу  барышында өлкәннәр яшүсмерләргә  үзләренең тормышларын сөйләде hәм файдалы киңәшләре белән бүлеште.