Алабуга волонтерлары Игелек эстафетасын дәвам итә

"Язгы игелек атналыгы - изге эшләр эстафетасы" акциясе кысаларында Алабугада #Доноркөне узды. 

Бу көн уңаеннан Алабуганың өлкәннәр һәм инвалидлар өчен интернат-йортында яшәүчеләр, "Алтын яшь" иреклеләр отряды әгъзалары, Алабуганың балалар йортында тәрбияләнүчеләр "ДОНОР – УЛ ЯХШЫЛЫК" дип исемләнгән уртак чара үткәрде.

Чара башында барлык катнашучылар плакатта йөрәк рәсеме ясады. Аннан соң алар паркка юнәлде. Монда үтеп баручылар элеге плакатка теләкләр язды, донорлыкка карата фикерен белдерде.