Министрлык «Монда көтәләр» проекты чараларында катнаша
«Монда көтәләр» проекты кысаларында «Яңа гасыр» автоном хәйрия оешмасы качакларны һәм мәҗбүри күченүчеләрне вакытлыча урнаштыру пунктларында яшәүче хатын-кызлар өчен тренинглар үткәрә. Чаралар гражданнарга психоэмоциональ ярдәм итүгә, киләчәктә уңышлы эшкә урнашу өчен киң спектрлы күнекмәләрне үстерүгә юнәлдерелгән.
«Монда көтәләр» проекты мәҗбүри күченүчеләрнең ихтыяҗларын тикшерү нәтиҗәләре буенча төзелгән. Ул 2022 елның июнендә Татарстан Республикасы Хезмәт, халыкны эш белән тәэмин итү һәм социаль яклау министрлыгы белән берлектә үткәрелде. Халыкны эш белән тәэмин итү үзәкләре белән берлектә сораштыру үткәрелде, хатын-кызларның ихтыяҗлары өйрәнелде.
27 февральдә һәм 4 мартта Казанда «Эшлекле аралашу культурасы. Тәртиптә югарырак» тренинглары уза. Чакырылган спикерлар арасында ТР хезмәт, халыкны эш белән тәэмин итү һәм социаль яклау министры урынбасары Клара Таҗетдинова да бар.