«Без бергә!» фестиваль-конкурсына гаризалар кабул итү дәвам итә

1 февральдән 28 февральгә кадәр сәламәтлек мөмкинлекләре чикләнгән кешеләр өчен «Без бергә!» V Бөтенроссия фестиваль-конкурсында катнашуга гаризалар кабул ителә.

Фестиваль онлайн һәм офлайн режимда «Металлург» мәдәни-ял үзәге базасында, Орел шәһәре, Металлурглар урамы, 17 нче йорт адресы буенча узачак.

Фестиваль номинацияләре:

- вокал (классик, халык, эстрада, ишарәләр җыры);

- инструменталь башкару (теләсә нинди музыка коралларында соло һәм ансамбль башкаруы);

- хореография;

- сәнгатьле уку;

- гамәли сәнгать иҗаты;

- сынлы сәнгать;

- фотография сәнгате.

Конкурста 5 яшьтән өлкәнрәк затлар, шулай ук инклюзив иҗат коллективлары катнаша ала.

Сайлап алу турларына килә алмаган һәм үзләренең иҗади эшләрен алып бара алмаган катнашучылар фото- һәм видеоматериалларны severnayavoi57@mail.ru электрон адресына җибәрә алалар (нигезләмә).