Республика семинарында социаль хезмәт күрсәтүнең актуаль мәсьәләләре турында фикер алыштылар
17 февральдә Азнакай шәһәрендә «Татарстан Республикасында социаль хезмәт күрсәтүнең актуаль мәсьәләләре» дигән темага күчмә семинар-киңәшмә узды. Катнашучылар 2023 елга халыкка социаль хезмәт күрсәтү учреждениеләре эшчәнлеген оештыру һәм эш планнары турында фикер алыштылар.
Семинар-киңәшмә кысаларында өч тематик мәйданчык эшләде:
- Өлкән яшьтәге гражданнарга һәм инвалидларга социаль хезмәт күрсәтүне оештыру буенча халыкка социаль хезмәт күрсәтү комплекслы үзәкләре практикалары,
- Халыкка социаль хезмәт күрсәтү стационар учреждениеләрендә өлкән яшьтәге гражданнарга һәм инвалидларга социаль хезмәт күрсәтүне оештыру,
- Халыкка социаль хезмәт күрсәтү комплекслы үзәкләре белгечләре өчен психологик практикум.
Катнашучылар Азнакай районы халкына социаль хезмәт күрсәтү учреждениеләренең эш тәҗрибәсе белән таныштылар, Мәдәният сараенда мастер-класслар зонасында булдылар, «Өмет» үзәге һәм Азнакай өлкәннәр һәм инвалидлар өчен интернат-йортында булдылар.
Фото чыганагы: ТР Азнакай муниципаль районы рәсми сайты