Әлмәт шәһәрендә вакантлы эш урыннары ярминкәсенә йомгак ясалды

2022 елның 19 сентябре, дүшәмбе

Әлмәт шәһәренең «Россиядә эш» кадрлар үзәге 15 сентябрьдә эшсез гражданнар өчен вакантлы эш урыннары ярминкәсе оештырган.

Чарада 10 оешма – «Татнефть – АЗС Центр» ҖЧҖ, «Агроторг» ҖЧҖ, «Баулюкс» ҖЧҖ, «Тандер» АҖ, «Зенит банкы» ГАҖ, «Транснефть-Кама буе» АҖ, «Таграс-Энергосервис» ҖЧҖ, «Римера-Алнас» ҖЧҖ, Россия Федерациясе милли гвардиясенең Татарстан Республикасы буенча ведомстводан тыш сак идарәсе, «Таттелеком» ГАҖ вәкилләре катнашты.

Эш бирүчеләр түбәндәге белгечлекләр буенча вакансияләр тәкъдим иттеләр: каравылчы, кече тәрбияче, ярдәмче эшче, җитештерү һәм хезмәт урыннарын җыештыручы, кухня эшчесе, сатучы, сату һәм хезмәт күрсәтү офисы белгече, юл эшчесе, слесарь-сантехник, бораулаучы ярдәмчесе һ.б.

Ярминкәдә барлыгы 25 кеше булды.