Түбән Камада балалар белән «Яшь атлет» программасы буенча чара үткәрделәр

2021 елның 12 августы, пәнҗешәмбе

Шушы көннәрдә Түбән Каманың «Веста» гаиләгә һәм балаларга социаль ярдәм үзәге белгече Әлфия Байкова балигъ булмаган балалар өчен төркемле спорт дәресе үткәрде.

Җәйге мәйданчыкта социаль эш буенча белгеч балаларга «Яшь атлет» Махсус Олимпиада программасы турында сөйләде, ул үз эченә физик форманы саклап калырга ярдәм итә торган күңелле уеннар һәм күнегүләр ала. Программа үсеш үзенчәлекләре булган балаларга спорт күнекмәләрен алырга ярдәм итә, моториканы үстерә.

Дәрес уеннар, күңелле эстафеталар һәм күнегүләр башкару белән дәвам итте. Балалар актив рәвештә көч, җитезлек, зирәклек һәм тизлектә көч сынаштылар. Чарада ярыш рухы булуга карамастан, балалар коллективта тату һәм бердәм эш күрсәттеләр.