Зәй мәшгульлек үзәге пенсия яшенә җитүче хезмәткәрләргә консультация күрсәтүне дәвам итә
Зәй районында пенсия яшенә җитеп килүче гражданнар белән очрашулар дәвам итә. Территория комиссиясе әгъзалары әлеге категория гражданнарның хезмәт хокукларын саклау мәсьәләләре буенча эш бирүчеләрне һәм аларның хезмәткәрләрен консультацияләү максаты белән предприятие-оешмаларга чыга.
Агымдагы елның беренче яртыеллыгында халык мәшгульлеге үзәге һәм район башкарма комитеты белгечләре утызга якын оешмада булды. Очрашу барышында Россия Хезмәт кодексы кагыйдәләрен аңлаталар, пенсия яшенә җитүче хезмәткәрләрнең көндәшлеккә сәләтлелеген арттыру өчен гамәлгә ашырылучы дәүләт программалары һәм проектлары, аерым алганда, “Демография” илкүләм проекты кысаларында “Өлкән буын” төбәк проекты турында сөйлиләр.
Моннан тыш, консультация “кайнар элемтә” телефоннары аша һәм мәшгульлек үзәгендә күрсәтелә. Сорауларны 8 (85558) 7 44 29 телефоны аша яки Зәй шәһәре Нефтьчеләр проспекты, 37б йорты адресы буенча мөрәҗәгать итеп бирергә мөмкин.