Теләченең "Чишмә" гаилә һәм балаларга комплекслы социаль ярдәм үзәге белгечләре "Без цифрлы дөньяда: мөмкинлекләр һәм тискәре күренешләр" темасына чираттагы дәрес оештырдылар.
Дәреснең максаты - яшүсмерләрнең Интернет челтәреннән файдаланганда төп куркынычлар турында белем дәрәҗәсен күтәрү. Чара барышында балигъ булмаганнар белән әңгәмә үткәрелде. Алар цифрлы дөньяның төп хәвеф-хәтәрләре һәм янаулар турында фикер алышты. Шулай ук яшүсмерләргә челтәрдәге зарарлы мәгълүматтан үзеңне ничек якларга кирәклеге турында гамәли киңәшләр бирелде.