Югары Ослан интернат-йортында "Волжанка" хоры чыгыш ясады

2018 елның 9 ноябре, җомга

Югары Осланның картлар һәм инвалидлар интернат-йортында Октябрь революциясенең 101 еллыгына багышланган "Волжанка" ветераннар хоры бәйрәм концерты узды.

Иҗат коллективының концерт программасы интернат-йортта яшәүчеләр өчен чын бүләк булды. Сәхнәдән Совет һәм Россия композиторларының танылган әсәрләре, рус халык җырлары, шулай ук хорда катнашучылар иҗат иткән шигырь һәм җырлар яңгырады.

Язмыш, тормыш мәгънәсе, туган як җылысы, кече ватан матурлыгы, мәхәббәт һәм бәхет, шулай ук хәрби буын кешеләренең авыр язмышына багышланган әсәрлә һәр тамашачының йөрәгендә урын тапты.

Интернат-йортта яшәүчеләр артистларга концерт программасы өчен рәхмәт белдерде.