4 октябрь көнне Апас районы администрациясе, социаль яклау бүлеге, район ветераннар советы вәкилләреннән торган делегация якын-тирә өлкәннәр һәм инвалидлар өчен интернат-йортларда яшәүче якташларына кунакка барды.
Алар район башлыгы исеменнән Буа, Тәтеш һәм Кайбыч районнарындагы интернат-йортларда яшәүче апаслыларны котлады. Өлкән яшьтәге кешеләргә бүләкләр һәм Урта Биябаш авылыннан коляскадагы инвалид Дамир Шәмсиев исеменнән үз умартасыннан өч бал банкы тапшырылды.