Зәйдә “Эш бирүче көне” үтте
Бу көннәрдә Зәй мәшгульлек үзәгендә үткән “Эш бирүче көне”ндә "Эссен Продакшен АГ" АҖ вәкилләре катнашты.
Анда эшсез, эш эзләүче зәйлеләр чакырылды. 4 вакансиядә 52 эш урыны тәкъдим ителде. Алар азык әзерләү линиясе операторы, төргәкләү-урнаштыручы, хезмәт урынын җыештыручы, цехта төрле эшләр башкаручы.
Чара барышында эш бирүче эш урынына дәгъва кылучы белән якыннан таныша алды, ә эш эзләүчеләр үз чиратында хезмәт шартлары, түләү мәсьәләсе белән кызыксындылар. Әлеге оешмада үзләре теләгән вариантларны таба алмаучылар, мәшгульлек үзәге базасында тәкъдим ителүче вакансияләр белән таныша алды, “Работа в России” порталы мөмкинлекләре хакында белеште. Вакансияләр ярминкәсендә 14 кеше катнашып, аларның 7се даими эш урынына юллама алды. Алга таба да эш урыннары тәкъдим итү дәвам итә. Белешмәләр өчен телефон: 8(85558)71543.