Начар ишетүче балаларны һөнәр сайларга өйрәттеләр

25 май 2018 ел., җомга

Алабуганың халыкны эш белән тәэмин итү үзәге хезмәттәшлек турындагы килешү нигезендә күчмә офис оештырды. Алар физик мөмкинлекләре чикле балалар (ишетү буенча) мәктәп-интернатында булдылар.

Югары сыйныфларда укучы алты балага һөнәри юнәлеш бирүче тестлар уздырылды. Алар киләчәктә нинди һөнәр сайларга мөмкинлеге аңлатылды. Һәрберсе белән аерым әңгәмәләр үткәрелде. Тест нәтиҗәләрен балалар ата-аналарына да күрсәтәчәк.

Очрашу барышында җитди сөйләшүләр дә алып барылды, ди белгечләр. Соңыннан олы яшьтәге мәктәп укучыларына буклет һәм «Мир занятости» дигән мәгълүмати басма да таратылды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования