Китапханәдә Лев Толстойга багышланган экскурсия
«Изгелек» инвалидларны тернәкләндерү үзәгендә социаль хезмәт алучылар 1 нче китапханәнең филиалында экскурсиядә булды.
Экскурсия Лев Толстойның иҗади мирасы аша, мәдәният мәсьәләләрен үстерү, иҗтимагый игътибарны җәлеп итү, тел белемен арттыру максатыннан оештырылган иде.
Китапханәче Дарья Миронова социаль хезмәт алучыларны китапханәнең кагыйдәләре, эш формалары белән таныштырды һәм күрсәтелә торган хезмәт төрләре турында сөйләде.
Уку залында китапханә мөдире Фирдая Зиганшина күренекле рус язучысы Лев Толстойның биографиясе, аның иҗади һәм публицистик эшләре турында сөйләде һәм әңгәмә аның әсәрләреннән өзекләр уку белән тәмамалады. Чара барышында шагыйрь, тәрҗемәче, журналист һәм туган як тарихын өйрәнүче Мансур Сафин белән дә очрашу булды. Ул үзенең Ясная Полянада булуы турындагы хатирәләр белән уртаклашты.
Катнашучылар иҗади очрашу вакытында Лев Толстойның биографиясеннән бик күп кызыклы фактлар белде. Бөек язучының әсәрләрен искә төшереп, викторина сорауларына җавап бирделәр. Чарада 6 кеше катнашты.