Яшел Үзән шәһәре мәшгульлек үзәге 3нче номерлы гимназиянең 8 сыйныф укучылары өчен һөнәри юнәлеш бирүче чарасы уздырды.
Яшүсмерләр чәчтараш һөнәре турында мәгълүмат алды. Бу һөнәргә хезмәт базарында ихтыяҗ бар.
Чарада мастер-классны «Елена» салоны осталары үткәрде. Наталья Геннадьевна Осокина һәм Оксана Николаевна Валиева бик теләп үз тәҗрибәләре һәм белемнәре белән уртаклашты. Чәчтараш һөнәренең серләре турында үз фикерләрен әйттеләр.
Укучы кызлар мастер-классларда актив катнашты, үзләре дә төрле прическалар ясап карады.