Алабуга районының «Доверие» халыкка социаль ярдәм күрсәтү үзәге белгечләре «Тату гаилә» федераль партия проекты уңаеннан «Тату гаилә - уңышлы киләчәк гарантиясе» дип аталган муниципаль форумда катнашты.
Форум программасы тәрбия процессында катнашучы һәрбер кешене берләштерде: укытучылар, белгечләр, ата-аналар комитетлары һ.б. Дискуссион мәйданчыклар бала тормышының актуаль аспектларына: тирә-ягындагы кешеләр белән аралашуы, мәктәптә үз-үзен тотышы, интернет челтәренең балаларга тәэсире һәм башка бик күп кызыклы темаларына багышланды.
Үзәк белгечләре «Балалар һәм яшүсмерләрнең деструктив үз-үзен тотышын кисәтү» мәйданчыгында актив катнашты.
Мәйданчыкны Алабуга муниципаль районының прокурор ярдәмчесе Салахутдинова А.Н., балигъ булмаганнар эшләре һәм аларны яклау буенча комиссиянең җаваплы сәркатибе Маркина И.Ю., «Шанс» психология-педагогик, медицина һәм социаль ярдәм үзәге директоры Корочкина С.В. алып барды. Форум белгечләрнең белемен арттыру, тәҗрибә уртаклашу яхшы чара булып торды.