Узган чәршәмбе, 14 февральдә «Тәтеш балкышы» үзәгенең гаилә һәм балаларга социаль ярдәм күрсәтү бүлекчәсе белгечләре сәламәтлек мөмкинлекләре чикле булган балалар тәрбияләүче ата-аналар өчен чираттагы утырыш үткәрде.
“Без бергә” дип аталган чарада чакырылган белгечләр ташламалар һәм субсидияләр, тернәкләндерү үзәкләренә юлламалар алу, шифаханә-курортта дәвалану турында сөйләделәр.
Әңгәмә барышында әниләр бер-берсе белән тәрбия тәҗрибәсе белән уртаклашты.