«Ышаныч» халыкка социаль хезмәт күрсәтү үзәге һәм башка социаль учреждениеләр хезмәткәрләре «Рус ишарә теле» мастер-классында катнашты.
Чара «Изгелек»инвалидларны тернәкләндерү үзәгендә оештырылды. Мастер-классны Бөтенроссия саңгыраулар җәмгыяте Яр Чаллы бүлекчәсе рәисе Роза Кононова үткәрде.
Бүгенге көндә Чаллыда ишетү буенча биш йөздән артык инвалид яши.
Роза Кононова мастер-класста катнашучыларны кулдан азбукасы (дактилология) белән таныштырды, кайбер ишарәләр тарихын сөйләде.